Հայաստանի դեսպանի հանդիպումը Ղազախստանի տրանսպորտի նախարարի հետ

12 դեկտեմբերի, 2025

2025թ․ դեկտեմբերի 12-ին կայացել է Ղազախստանում Հայաստանի դեսպան Արմեն Ղևոնդյանի հանդիպումը Ղազախստանի տրանսպորտի նախարար Նուրլան Սաուրանբաևի հետ։

Հանդիպմանը դիտարկվել է հարցերի լայն շրջանակ, որոնք առնչվում են Հայաստանի Հանրապետության վարչապետ Ն․Փաշինյանի՝ 2025թ․ նոյեմբերի 20-21-ը Ղազախստանի Հանրապետություն կատարած պաշտոնական այցի ընթացքում ձեռք բերված բարձր պայմանավորվածություններին՝ միտված Հայաստանի և Ղազախստանի միջև տրանսպորտային-տարանցիկ համագործակցության առաջմղման ջանքերին՝ վերահաստատելով Հարավային Կովկասը և Կենտրոնական Ասիային շաղկապող երթուղիների համատեղ զարգացման մասով երկրների հետաքրքրվածությանը։ Դիտարկվել է 2024-2025թթ․ համար առևտրատնտեսական համագործակցության միջկառավարական «Ճանապարհային քարտեզի»՝ տրանսպորտի ոլորտին հարաբերվող դրույթների իրականացման ընթացքը։ Առանձնահատուկ շեշտ է դրվել Երևանի և Աստանայի միջև ուղիղ կանոնավոր օդային հաղորդակցման շուտափույթ գործարկման պահանջվածության հանգամանքին։

Տարածաշրջանային առևտրի և տրանսպորտային կոմունիկացիաների դիվերսիֆիկացման համատեքստում, արդեն իսկ գործածվող ուղղությունների հետ մեկտեղ, ընդգծվել է Ղազախստան – Թուրքմենստան – Իրան – Հայաստան մուլտիմոդալ կապուղու զարգացման կարևորությունը, այդ թվում՝ սահմանամերձ համագործակցության «Խորգոս» միջազգային կենտրոնի, ղազախստանյան Ակտաու և Կուռիկ նավահանգիստների, ինչպես նաև Չինաստանի Սիան քաղաքում գործող ղազախստանյան երկաթուղային տերմինալի հնարավորությունների գործարկմամբ։

Հանդիպման արդյունքներով պայմանավորվածություն է ձեռք բերվել հետագա շփումների աշխուժացման շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր