Դեսպան Ղևոնդյանի այցելությունը «Խորգոս» կենտրոն

14 նոյեմբերի, 2023

Ս․թ․ նոյեմբերի 13-ին կայացել է Ղազախստանում Հայաստանի դեսպան Արմեն Ղևոնդյանի այցելությունը Ղազախստանի և Չինաստանի սահմանամերձ հատվածում տեղակայված առևտրի, տնտեսական, ներդրումային փոխգործակցության, ինչպես նաև զբոսաշրջության զարգացման համալիր հանդիսացող սահմանակից համագործակցության «Խորգոս» Միջազգային կենտրոն /ՄԿՍՀ/։

Կայացած հանդիպման ընթացքում՝ ««Խորգոս» Միջազգային կենտրոն սահմանակից համագործակցության Հատուկ տնտեսական գոտի» Կառավարող ընկերության ԲԸ նախագահի պ/կ Երսին Օրազաևը ՀՀ դեսպանին է ներկայացրել կենտրոնի գործունեությունն ու հեռանկարային ծրագրերը, որոնք իրականացվում են «Մեկ գոտի – մեկ ճանապարհ» ռազմավարության և Ղազախստանի կողմից հռչակված «НҰРЛЫ ЖОЛ» /«Ճանապարհ դեպի ապագա»/ տնտեսական քաղաքականության շրջանակներում։

Հանգամանալից դիտարկվել են կենտրոնի կողմից տրամադրվող արտոնություններին ու առանձնաշնորհումներին, ինչպես նաև ՄԿՍՀ լոգիստիկ հնարավորություններին առնչվող հարցեր, այդ թվում՝ կենտրոնի ղազախստանյան և չինական հատվածներով փոխադրվող կոնտեյներային տարանցիկ բեռների մասով։

Հանդիպմանը դեսպան Ա․Ղևոնդյանն ընդգծել է «Խորգոս»-ի գործունեության վերաբերյալ տեղեկատվության ավելի լայն տարածման պահանջվածությունը Հայաստանում և հայկական տնտեսվարող սուբյեկտների շրջանակներում, որոնք շահագրգռված են կենտրոնի տարածքում հայկական ապրանքների ներկայացվածության մակարդակի բարձրացման, ինչպես նաև փոխշահավետ արտահանման-ներկրման գործողությունների իրականացման հարցում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր