Դեսպան

Ն․Գ․ պարոն Արմեն Վաչիկի Ղևոնդյան

Ղազախստանի Հանրապետությունում
Հայաստանի Հանրապետության արտակարգ և լիազոր դեսպան

Ծնվել է 1971թ. հունիսի 20-ին:

Գերազանցությամբ ավարտել է Երևանի պետական համալսարանը (1993թ.) և Ռուսաստանի Դաշնության Արտաքին գործերի նախարարության դիվանագիտական ակադեմիան (2001թ.):

1993–1995թթ. աշխատել է միջնակարգ դպրոցի տնօրենի տեղակալ և ֆիզիկայի ուսուցիչ:

1995–1997թթ. ծառայել է Հայաստանի Հանրապետության Զինված Ուժերում:

Մինչև 1998թ. աշխատել է Երևանի պետական համալսարանի միջազգային բաժնում, ապա՝ գլխավոր մասնագետ Հայաստանի Հանրապետության Կառավարության աշխատակազմում:

2001–2002թթ. Հայաստանի Հանրապետության Արտաքին գործերի նախարարության սպառազինությունների վերահսկման և միջազգային անվտանգության վարչության բաժնի առաջին քարտուղար, բաժնի վարիչի պարտականությունները կատարող:

2002–2007թթ. Ռուսաստանի Դաշնությունում Հայաստանի Հանրապետության դեսպանության առաջին քարտուղար, ապա խորհրդական:

2007թ. նշանակվել է Հայաստանի Հանրապետության Արտաքին գործերի նախարարի խորհրդական, իսկ 2010թ.–ից՝ համատեղության կարգով Հայաստանի Հանրապետության Արտաքին գործերի նախարարության ԱՊՀ վարչության պետ:

2018–2020թթ. ընկած ժամանակահատվածում՝ Բելառուսի Հանրապետությունում Հայաստանի Հանրապետության արտակարգ և լիազոր դեսպան, ԱՊՀ կանոնադրական և այլ մարմիններում Մշտական և լիազոր ներկայացուցիչ: 2020թ. հոկտեմբերին համատեղության կարգով նշանակվել է Մոլդովայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Մինսկում):

2020թ. նոյեմբերին նշանակվել է Հայաստանի Հանրապետության Արտաքին գործերի նախարարի տեղակալ:

Հայաստանի Հանրապետության նախագահի՝ 2022թ. ապրիլի 8-ի հրամանագրով նշանակվել է Ղազախստանի Հանրապետությունում Հայաստանի Հանրապետության արտակարգ և լիազոր դեսպան:

Հայաստանի Հանրապետության նախագահի՝ 2023թ. փետրվարի 1-ի հրամանագրով, համատեղության կարգով նշանակվել է Ղրղզական Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Աստանա)։

Ունի արտակարգ և լիազոր դեսպանի դիվանագիտական աստիճան (2016թ.):

Արժանացել է պետական և գերատեսչական պարգևների:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր