Դեսպան Ղևոնդյանը հանդիպում է ունեցել նախարար Կարաբաևի հետ

28 փետրվարի, 2025

2025թ․ փետրվարի 27-ին կայացել է Ղազախստանում Հայաստանի դեսպան Արմեն Ղևոնդյանի հանդիպումը Ղազախստանի տրանսպորտի նախարար Մարատ Կարաբաևի հետ։

Հանդիպմանը քննարկվել է տրանսպորտային-լոգիստիկ ոլորտում ՀՀ-ՂՀ փոխգործակցության ներկայիս վիճակին ու զարգացման հեռանկարներին առնչվող հարցերի լայն շրջանակ՝ Ղազախստանի Հանրապետության նախագահ Կ․Տոկաևի՝ 2024թ․-ին Հայաստանի Հանրապետություն կատարած պաշտոնական այցի արդյունքներով ձեռք բերված բարձր պայմանավորվածությունների համաձայն ։

Առանձնահատուկ ուշադրության կենտրոնում է եղել երկու երկրների միջև ուղիղ օդային հաղորդակցման վերսկսման և թռիչքների աշխարհագրության ընդլայնման հարցերը։ Դեսպան Ա․Ղևոնդյանը՝ զբոսաշրջության զարգացման, գործարար շփումների, ինչպես նաև քաղաքացիների փոխադարձ այցելությունների համատեքստում ընդգծելով կանոնավոր չվերթների պահանջվածությունը, նախարար Մ․Կարաբաևին ներկայացրել է ավիացիոն հաղորդակցության մասով Հայաստանի Հանրապետության օրենսդրությամբ նախատեսված արտոնություններին։

Հայաստանի և Ղազախստանի կառավարությունների միջև առևտրատնտեսական համագործակցության 2024-2025թթ ճանապարհային քարտեզի՝ տրանսպորտի ոլորտին վերաբերող դրույթների դիտարկման շրջանակներում երկուստեք ընդգծվել է վերջիններիս իրագործման արագացման կարևորությունն՝ փոխադարձ առևտրի համար ավելի բարենպաստ պայմաններ ապահովելու, ինչպես նաև թե՛ ազգային, թե՛ տարածաշրջանային մակարդակներում տարանցիկ ներուժի ամրապնդման շեշտադրմամբ։

Հանդիպման արդյունքներով վերահաստատվել է պատրաստակամությունն առ սերտ երկխոսություն՝ ուղղված տրանսպորտային ոլորտում երկկողմ համագործակցության ամրապնդմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր