ՀՀ փոխվարչապետը մասնակցել է ԱՊՀ պետությունների կառավարությունների ղեկավարների խորհրդի նիստին

09 հունիսի, 2025

Հայաստանի Հանրապետության փոխվարչապետ Մհեր Գրիգորյանը մասնակցել է 2025թ. հունիսի 5-ին Դուշանբեում կայացած ԱՊՀ պետությունների կառավարությունների ղեկավարների խորհրդի հերթական նիստի աշխատանքներին:

Մինչ նիստ՝ «Ազգի պալատում» մասնակից պետությունների պատվիրակությունների ղեկավարներին ընդունել է Տաջիկստանի Հանրապետության նախագահ Էմոմալի Ռահմոնը: Հանդիպմանն արծարծվել են ԱՊՀ շրջանակներում համագործակցությանն առնչվող հարցեր՝ կազմակերպությունում Տաջիկստանի նախագահության լույսի ներքո:

Ելույթով հանդես գալով կառավարությունների ղեկավարների խորհրդի նիստին, որի օրակարգում ընդգրկված էին առևտրատնտեսական, մշակութային և հումանիտար ոլորտներում համագործակցության զարգացմանն առնչվող հարցեր, ՀՀ փոխվարչապետը, մասնավորապես անդրադարձել է տնտեսական համագործակցության հետագա ընդլայնման հնարավորություններին, ինչպես նաև ընդգծել է տարածաշրջանային ենթակառուցվածքային ծրագրերի իրագործման կարևորությունը:

Նիստի արդյունքներով ստորագրվել են մի շարք փաստաթղթեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր