Հանդիպում Ղրղզստանի էկոնոմիկայի և առևտրի նախարարությունում

05 հուլիսի, 2025

2025թ․ հուլիսի 4-ին կայացել է Ղրղզական Հանրապետությունում Հայաստանի Հանրապետության դեսպան Արմեն Ղևոնդյանի (նստավայրը՝ Աստանա) հանդիպումը Ղրղզական Հանրապետության էկոնոմիկայի և առևտրի նախարարի տեղակալ Սանժառբեկ Բոլոտովի հետ։

Հանդիպմանը, երկկողմ առևտրատնտեսական հարաբերությունների շեշտադրմամբ, դիտարկվել է Հայաստանի՝ Ղրղզստանի հետ միջպետական փոխգործակցության հարցերի լայն շրջանակ։ Հայ-ղրղզական միջկառավարական հանձնաժողովի հերթական նիստի նախապատրաստական աշխատանքների շրջանակներում վերլուծության է ենթարկվել Հայաստանի Հանրապետությունում կայացած նիստի ընթացքում ձեռք բերված պայմանավորվածությունների իրականացման ընթացքը։

Հանդիպման արդյունքներով երկուստեք վերահաստատվել է Հանձնաժողովի գործունեության աշխուժացման, ինչպես նաև համատեղ ջանքերի պահանջվածությունն՝ ի շահ երկու երկրների տնտեսվարող սուբյեկտների՝ փոխշահավետ երկկողմ նախագծերի առաջմղման հարցերում ներգրավման։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր