Հայաստանի դեսպանի հանդիպումն «Աստանա» դիվանագիտական ակումբում

18 մարտի, 2026

2026 թվականի մարտի 18-ին Ղազախստանում Հայաստանի դեսպան Արմեն Ղևոնդյանը հանդիպեց ղազախստանյան մի շարք առաջատար բուհերի ուսանողների հետ: Հանդիպումն անցկացվեց «Աստանա» դիվանագիտական ակումբի ծրագրի շրջանակներում՝ Coventry University Kazakhstan-ում:

Դեսպան Ա.Ղևոնդյանը հանգամանալից անդրադարձ կատարեց ռազմավարական գործընկերության բնույթ ստացած հայ-ղազախստանյան միջպետական հարաբերությունների ներկա վիճակին և զարգացման հեռանկարներին: Հատուկ ուշադրություն դարձվեց դիվանագիտության դերին՝ արտաքին քաղաքականության, առևտրատնտեսական և մշակութային-հումանիտար ոլորտներում երկկողմ համագործակցության խթանման գործում:

Ինտերակտիվ քննարկման ձևաչափով անդրադարձ կատարվեց նաև տարածաշրջանային և գլոբալ մակարդակներում տեղի ունեցող զարգացումներին վերաբերող հարցերի:

Հանդիպման ավարտին դեսպան Ա.Ղևոնդյանը կիսվեց դիվանագիտական ծառայության անձնական փորձով և պատասխանեց հանդիպման մասնակիցների հարցերին՝ կապված մասնագիտական պատրաստվածության կարևորության ու առանձնահատկությունների հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր