Armat ոսկերչական ապրանքանիշը նոր սրահ է բացել Աստանայում

19 սեպտեմբերի, 2026

2026 թվականի սեպտեմբերի 19-ին Armat ոսկերչական ապրանքանիշը պաշտոնապես հայտարարեց Ղազախստանի մայրաքաղաքում նոր սրահի բացման մասին: Ներկայության ընդլայնումը Աստանայում, Ալմաթիում արդեն իսկ գործող մասնաճյուղերին զուգահեռ, կարևոր քայլ դարձավ ընկերության միջազգային ռազմավարության մեջ:
Սրահի հանդիսավոր բացման արարողությունն անցկացվեց պատվավոր հյուրերի մասնակցությամբ: Առաջին այցելուներին և ապրանքանիշի ներկայացուցիչներին ողջույնի խոսքով դիմեց Ղազախստանում Հայաստանի դեսպան Արմեն Ղևոնդյանը՝ ընդգծելով մշակութային ու տնտեսական կապերի զարգացման, ինչպես նաև Ղազախստանում հայկական ընկերությունների առավել լայն ներկայացվածության կարևորությունը:
Armat ապրանքանիշը հիմնադրվել է 2013 թվականին: Ընկերության գործունեության փիլիսոփայության հիմքում ընկած է արմատների հետ կապն ու ավանդույթների հաջորդականությունը. բոլոր զարդերը արտադրվում են Հայաստանում՝ սեփական արտադրամասերում, որտեղ ոսկերչական արվեստի բազմադարյա ավանդույթները համադրվում են առաջատար տեխնոլոգիաների և նրբագեղ դիզայնի հետ: Այսօր Armat-ը մտնում է ֆրանս-հայկական De Laur հոլդինգի կազմի մեջ, որը Կովկասի ոսկերչական շուկայի ճանաչված առաջատարներից է:
Աստանայում սրահի բացումը թույլ կտա այցելուներին անձամբ ծանոթանալ ապրանքանիշի բացառիկ հավաքածուներին, որոնք առանձնանում են կատարման բարձրագույն որակով և հեղինակային ոճով՝ ներշնչված նաև հայկական մշակույթով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր