Այցելություն «QazTrade»

16 հունիսի, 2023

Ս․թ․ հունիսի 16-ին Ղազախստանում Հայաստանի դեսպան Արմեն Ղևոնդյանն այցելել է Առևտրային քաղաքականության զարգացման «QazTrade» կենտրոն, որտեղ ծանոթացել է վերջինիս գործունեության հիմնական ուղղություններին։

Բաժնետիրական ընկերության գլխավոր տնօրեն Ռուստամ Ասուլբեկի հետ կայացած հանդիպմանը հայ-ղազախստանյան առևտրատնտեսական համագործակցության համատեքստում նշվել է զգալի ներուժի առկայությունը, որի իրագործումը թույլ կտա էապես ավելացնել երկկողմ առևտրի ծավալն ու անվանացանկը։

Կառուցողական մթնոլորտում դիտարկվել են ՀՀ դեսպանություն- «QazTrade» փոխգործակցությանն առնչվող հարցեր՝ միտված երկու պետությունների տնտեսվարող սուբյեկտներին գործնական աջակցություն ցուցաբերելուն՝ երկարաժամկետ գործընկերական հարաբերությունների հաստատմանն, ինչպես նաև ապրանքների ու ծառայությունների փոխադարձ մատակարարման օպտիմալ շղթաների մշակման հարցերում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր