«Սամրուկ-Կազինայի» ղեկավարության հետ հանդիպման մասին

22 հունիսի, 2023

Ս․թ․ հունիսի 22-ին Ղազախստանում Հայաստանի դեսպան Արմեն Ղևոնդյանը հանդիպել է «Սամրուկ-Կազինա» բաժնետիրական ընկերության նախագահության ղեկավար Նուրլան Ժակուպովի հետ։

Հանդիպմանը ՀՀ դեսպանին ներկայացվել են մի քանի հարյուր ձեռնարկություններ միավորող ղազախստանյան ազգային հոլդինգի գործունության ուղղությունները, որոնք ծավալվում են նավթագազային և տրանսպորտային-լոգիստիկ ոլորտում, քիմիական և միջուկային արդյունաբերության, լեռնամետալուրգիական համալիրի ու էներգետիկայի բնագավառներում ։

Մտքերի փոխանակման ընթացքում վերահաստատվել է Բաժնետիրական ընկերության պատրաստակամությունը համատեղ մշակել ծրագրեր, որոնք միտված կլինեն երկու պետությունների շահագրգիռ ընկերությունների և գործարար շրջանակների միջև երկարաժամկետ և փոխշահավետ հարաբերությունների հաստատմանը: Այս համատեքստում արծարծվել է նաև դեսպանության և «Սամրուկ-Կազինայի» միջև փոխգործակցության հարցը՝ հօգուտ հայ-ղազախստանյան առևտրատնտեսական համագործակցության հետագա առաջմղման։

«Սամրուկ-Կազինա» ներդրումային հոլդինգը ստեղծվել է 2008թ․-ին՝ Ղազախստանի ազգային բարեկեցության բարձրացման և երկրի տնտեսության արդիականացման նպատակով։ Հոլդինգի միակ բաժնետերն է Ղազախստանի կառավարությունը։

«Սամրուկ-Կազինա»-ի կազմում են այնպիսի ազգային ընկերություններ, ինչպիսիք են «Ղազախստանի երկաթուղի», «Կազմունայգազ», «Կազպոչտա», «Կազախտելեկոմ» ու այլ տնտեսվարող սուբյեկտներ, այդ թվում՝ բնական մենաշնորհներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր