Ալմաթիում հիմնվել է «Մանթաշյանց» գործարարների միության մասնաճյուղը

12 նոյեմբերի, 2023

Ս․թ․ նոյեմբերի 12-ին Ղազախստանի հարավային մայրաքաղաքում կայացել է ներկայումս ողջ աշխարհից մոտ 450 ռեզիդենտ միավորող գործարար էկոհամակարգի՝ «Մանթաշյանց» գործարարների միության մասնաճյուղի հանդիսավոր բացումը։

Միջոցառմանը մասնակցել են տնտեսության ամենատարբեր ոլորտներում մասնագիտացող մի քանի տասնյակ ձեռնարկատերեր և բիզնեսի ներկայացուցիչներ՝ ինչպես Հայաստանից, այնպես էլ Ղազախստանից։

Ողջունելով «Մանթաշյանց-Ալմաթի» ակումբի հիմնումը՝ Ղազախստանում Հայաստանի դեսպան Արմեն Ղևոնդյանն ընդգծել է գործարար հարթակների պահանջվածությունը, որոնք նպաստում են ինչպես բիզնեսի զարգացմանն, այնպես էլ հեռանկարային գործնական կապերի հաստատմանն՝ այդ թվում Հայաստանում, Ղազախստանում և այլ երկրներում գործընկերների թիրախային բացահայտման շնորհիվ։ Հաջողություն մաղթելով ակումբի առաքելության կյանքի կոչման գործում՝ դեսպան Ա․Ղևոնդյանը հույս է հայտնել, որ վերջինիս գործունեությունը կպսակվի երկկողմ ապրանքաշրջանառության աճով և նոր փոխշահավետ նախագծերով, ինչպես նաև հնարավորություն կընձեռի ապահովել բիզնես-պետություն հետադարձ կապն՝ աջակցելով Տնտեսական համագործակցության հարցերով հայ-ղազախստանյան միջկառավարական հանձնաժողովի ջանքերին։

Միջոցառման մասնակիցները քննարկել են ակումբի առաջիկա խնդիրներն ու մատնանշել հստակ քայլեր՝ միտված արտահանման-ներկրման գործարքների ընդլայնմանն, ինչպես նաև օպտիմալ տրանսպորտային-լոգիստիկ երթուղիների մշակմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր