Ակտյուբինսկի մարզի ակիմի հետ հանդիպման մասին

06 հունիսի, 2024

2024թ․ հունիսի 6-ին Ակտոբեյում կայացել է Ղազախստանում Հայաստանի դեսպան Արմեն Ղևոնդյանի հանդիպումը Ակտյուբինսկի մարզի ակիմ/մարզպետ Ասխատ Շախարովի հետ։

Հայաստանի դեսպանը տեղեկացվել է առևտրատնտեսական, գիտատեխնիկական և մշակութային-հումանիտար ոլորտներում Ղազախստանի՝ տարածքով ամենախոշոր տարածաշրջանի ներուժի մասով։ Ներկայացվել են նաև ինդուստրիալիզացիայի բարձր մակարդակով, օգտակար հանածոների առկայությամբ և տրանսպորտային-լոգիստիկ համակարգով աչքի ընկնող մարզի զարգացման ծրագրերը։

Հանդիպմանը վերահաստատվել է երկուստեք հետաքրքրվածությունը հայ-ղազախստանյան ապակենտրոնացված համագործակցության ուղեծրում աշխույժ ներգրավվածության հարցում, որում իր էական դերակատարությունը կարող է ունենալ նաև Ակտյուբինսկի մարզի հայ համայնքը։

Նույն օրը Ա․Ղևոնդյանն այցելել է «Ակտոբե» սոցիալ-ձեռնարկատիրական կորպորացիա» ԲԸ ու Ակտոբե քաղաքի արդյունաբերական գոտի և ծանոթացել է վերջիններիս գործունեության հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր