Հայաստանի և Ղազախստանի նախագահների այցելությունն «Աստանա» ֆինանսական կենտրոն

18 հոկտեմբերի, 2024

Ղազախստանում պաշտոնական այցով գտնվող Հայաստանի նախագահ Վահագն Խաչատուրյանը 2024թ․ հոկտեմբերի 16-ին Ղազախստանի նախագահ Կասիմ-Ժոմարտ Տոկաևի հետ համատեղ այցելել են «Աստանա» միջազգային ֆինանսական կենտրոն /ԱՄՖԿ/։

ԱՄՖԿ կառավարիչ Րենատ Բեկտուրովը նախագահներին է ներկայացրել ֆինանսական կենտրոնի գործունեության հիմնական ուղղություններն ու տարածաշրջանային նախաձեռնությունների զարգացման մասով վերջինիս ներդրումը։ Նախագահները նաև ծանոթացել են ԱՄՖԿ դատական համակարգի առանձնահատկությունների և վերջինիս հարթակի հենքի վրա գործող Դատարանի ու Միջազգային արբիտրաժային կենտրոնի գործունեության հետ։

ԱՄՖԿ միջոցով Ղազախստանի տնտեսություն ներգրավված ներդրումների ծավալը գերազանցում է 13 միլիարդ ԱՄՆ դոլարը։ ԱՄՖԿ շրջանակներում ներկայումս իրենց գործունեությունն են ծավալում աշխարհի ավելի քան 80 երկրներից մոտ 3200 ընկերություն։ Վերջիններիս թվում են նաև հայաստանյան 6 խոշոր ընկերություններ, որոնք մասնագիտացված են տեղեկատվական և կապի տեխնոլոգիաների, ֆինանսական ծառայությունների և ապահովագրության ոլորտներում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր