ՂԱԶԱԽՍՏԱՆԻ ԼՐԱԳՐՈՂՆԵՐԻ ՄԻՈՒԹՅԱՆ ՂԵԿԱՎԱՐ. ՀԱՅ-ԹՈՒՐՔԱԿԱՆ ՍԱՀՄԱՆԸ ԿԲԱՑՎԻ

23 մարտի, 2015

Լեռնային Ղարաբաղում ռազմական գործողությունները ոչ մի օգուտ չեն տա որեւէ կողմին: Այս մասին NEWS.am-ի թղթակցի հետ զրույցում նշել է Ղազախստանի լրագրողների միության նախագահ, երկրի նախկին մամուլի քարտուղար Սեյթքազը Մաթաեւը:
Նրա խոսքով՝ ամենագլխավորն այն է, որ Լեռնային Ղարաբաղում տեղի չի ունենում որեւէ ռազմական գործողություն: «Որովհետեւ երբ տեղի են ունենում ռազմական գործողություններ, ոչ մի ներդրում չի լինում: Ես կարող եմ ասել մեր երկրի օրինակով: Մեզ մոտ այս տարիներին քիչ թե շատ հանգիստ է եւ շատ տարբեր ներդրողներ են գալիս»,-ասել է Մաթաեւը:
Նա ընդգծել է, որ թեեւ ծովի ելքի բացակայությանը, Ադրբեջանի եւ Թուրքիայի հետ փակ սահմաններին, Հայաստանին վեր են բարձրացնում տեղեկատվական տեխնոլոգիաները: «Որովհետեւ երկրում կան ուղեղներ, եւ այդ առումով, միեւնույն է սահմանը բաց է», - վստահեցրել է Սեյթքազը Մաթաեւը: Նա նկատել է, որ Հայաստանն էլեկտրաէներգիայի ավելցուկ ունի, Թուրքիան՝ պակաս, եւ Հայաստանը կարող է էլեկտրաէներգիա վաճառել Թուրքիային:
«Հայերը հին ժողովուրդ են, որոնք ամեն տեղ առաջընթաց են ունենում իրենց ուղեղով. եւ գիտության մեջ, եւ մշակույթի: Ես հավատում են, որ Հայաստանը լավ ապագա ունի»,-ամփոփել է լրագրողը:

Լուրեր Հայաստանից - NEWS.am

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր