ՂԱԶԱԽՍՏԱՆԻ ՆԵՐԴՐՈՒՄԸ՝ ԼՂՀ ՀԱՐՑՈՒՄ

27 մարտի, 2015

«ԵԱՀԿ-ում, իր նախագահության շրջանում, Ղազախստանը մեծ գործ արեց ԼՂՀ հակամարտության հարցում: Շատերի մոտ տպավորություն է, որ ԼՂՀ հարցում փոխվստահության ձեւավորման, մասնավորաբար, դիպուկահարներին շփման գծից դուրս բերելու մասին առաջարկը եվրոպացիներինն է: Բայց դա Ղազախստանի առաջարկ-նախաձեռնությունն էր, որը եվրոպացիներն անմիջապես վերցրեցին: Այդ առիթով մեծ աշխատանք կատարեց նաեւ Հայաստանում Ղազախստանի դեսպանատունը», - այսօր, «Միջէթնիկ համաձայնությունը` որպես պետության բարգավաճման երաշխիք» թեմայով քննարկման ժամանակ կարծիք հայտնեց «Գլոբալիզացիայի եւ տարածաշրջանային համագործակցության վերլուծական կենտրոնի» ղեկավար Սսեփան Գրիգորյանը: Քննարկումը նախաձեռնել էին ՀՀ-ում ՂՀ դեսպանատունը եւ «Գլոբալիզացիայի եւ տարածաշրջանային համագործակցության վերլուծական կենտրոն» հաարակական կազմակերպությունը:
Ս.Գրիգորյանը բավական կարեւորեց նաեւ ժամանակին Նազարբաեւի նախաձեռնությամբ որդեգրված պետական քաղաքականությունը` տեղի ազգային փոքրամասնությունների նկատմամբ: Խոսքը «Ղազախստանի ժողովրդի ասամբլեա» ծրագրի մասին է: Դրա հիմնական իմաստն այն էր, որ ՂՀ-ում բնակվող փոքրամասնությունների ներկայացուցիչները պետք է դիտվեն տվյալ պետության քաղաքացի:
Նելլի ԳՐԻԳՈՐՅԱՆ
«Առավոտ» օրաթերթ

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր