ԴԵՍՊԱՆ ԱՐԱ ՍԱՀԱԿՅԱՆԸ ԴԱՍԱԽՈՍՈՒԹՅԱՄԲ ՀԱՆԴԵՍ ԵԿԱՎ ՂԱԶԱԽՍՏԱՆԻ ՀՈՒՄԱՆԻՏԱՐ-ԻՐԱՎԱԲԱՆԱԿԱՆ ՀԱՄԱԼՍԱՐԱՆՈՒՄ

20 ապրիլի, 2017

Ապրիլի 20-ին Ղազախստանում Հայաստանի դեսպան Արա Սահակյանը դասախոսությամբ հանդես եկավ Ղազախստանի հումանիտար-իրավաբանական համալսարանի (Աստանա) ուսանողների և դասախոսների առջև “Ղազախստանի և Հայաստանի միջև դիվանագիտական հարաբերությանների հաստատման 25-րդ տարեդարձը» թեմայով:
Դեսպանն ընդհանուր գծերով ներկայացրեց հայ-ղազախական միջպետական բարեկամական, դաշնակցային հարաբերությունների զարգացման պատմությունը, երկկողմ հարաբերությունների ներկա վիճակը, ԱՊՀ-ի, ՀԱՊԿ-ի, ԵԱՏՄ-ի շրջանակներում ընթացող ինտեգրացիոն գործընթացների արդյունքներն ու արդի մարտահրավերները, ինչպես նաև հայ և ղազախ ժողովուրդների առնչությունների պատմության գլխավոր հանգրվանները, ղազախահայերի ավանդը Ղազախստանի տնտեսական ու մշակութային կյանքում:
Հավարտ դասախոսության Համալսարանի միջազգային կապերի գծով պրոռեկտոր Ռենատա Ֆայիզովան շնորհակալություն հայտնեց Հայաստանի դեսպանին ընդգրկուն բանախոսության համար, շեշետեց հայ ժողովրդի ներդրումը համաշխարհային քաղաքակրթության մեջ, հայերի ավանդական նվիրվածությունն իրենց լեզվին ու հինավուրց մշակույթին:
Դեսպանին հանձնվեց Համալսարանի ռեկտորի երախտագիտության վկայագիրը:
Իր հերթին դեսպան Սահակյանը Համալսարանի գրադարանին նվիրեց հայ ժողովրդի պատմությանը և ԼՂ հակամարտությանը նվիրված գրքեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր