ՀԱՅԿԱԿԱՆ ԱՐՏԱԴՐՈՂՆԵՐԸ «ԵՎՐԱՍԻԱԿԱՆ ՇԱԲԱԹԻՑ» ՎԵՐԱԴԱՐՁԵԼ ԵՆ ԱՐՏԱՀԱՆՄԱՆ ՊԱՅՄԱՆԱԳՐԵՐՈՎ

24 օգոստոսի, 2017

Օգոստոսի 24-26-ը Աստանայում կայացած «Եվրասիական շաբաթ» ցուցահանդեսային համաժողովից դեղագործական ընկերությունները Հայաստան են վերադարձել արտահանման պայմանագրերով։ «ԱյՊլաստ», «Բյութի Փրոդաքթս» և «Թուֆենկչի գրուպ» ընկերություններն արդեն սկսել են իրենց արտադրանքի գրանցումը Ղազախստանում։ Մի շարք բանակցություններ ընթացքի մեջ են։

Հայրենական ընկերությունների արտադրանքը եվրասիական հարթակում ներկայացվել է Հայաստանի զարգացման հիմնադրամի և GIZ-ի՝ «Սիրիացի փախստականների տնտեսական ինտեգրում Հայաստանում» ծրագրի աջակցությամբ։

Ցուցահանդեսային համաժողովին հայկական տաղավարն ամենաշատ հյուրերն է ընդունել, այդ թվում՝ ԵԱՏՄ կոլեգիայի նախագահին, հյուրընկալող երկրի՝ Ղազախստանի վարչապետին, գործարարների և այլոց։ Հանդիպումների կազմակերպմանը լայնորեն աջակցել է Ղազախստանում Հայաստանի դեսպանությունը։

Հայտարարվել է, որ «Եվրասիական շաբաթ-2018»-ը տեղի է ունենալու Հայաստանում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր