Կարագանդայում կատարվածի կապակցությամբ 5 ազգությունների 11 մարդ է կալանավորվել. Ղազախստանում Հայաստանի դեսպան

09 հունվարի, 2019

Հունվարի 9-ի դրությամբ Կարագանդայի իրադարձությունների կապակցությամբ 5 ազգությունների 11 մարդ ձերբակալվել և կալանավորվել է: Այս մասին NEWS.am-ի հետ զրույցում ասաց Ղազախսատնում Հայաստանի Արտակարգ և լիազոր դեսպան Գագիկ Ղալաչյանը:

«Այսօր կայացել է Ղազախսատնի ՆԳ նախարարի հետ հանդիպումը, որի ընթացքում քննարկվել է իրավիճակը և հետագա համագործակցությունը», -ասաց դեսպանը՝ ընդգծելով, որ հայկական կողմը Ղազախստանի իշխանությունների հետ մշտական կապի մեջ է գտնվում:

«Մենք ղազախ գործընկերների, Ղազախստանի ղեկավարության հետ մշտական կապի մեջ ենք բոլոր մակարդակներում՝ ԱԳՆ, ՆԳՆ և այլ կառույցների: Իրավիճակը լիովին վերահսկվում է: Ավելին՝ դեպքից հետո 1-2 օրվա ընթացքում կատարվածը, ինքնաբուխ ելույթները զգացմունքային բռնկումներ էին, որոնք իմ կարծիքով հանդարտվել են: Ես վստահ եմ, որ դրանք չեն կրկնվի և նման դեպքերը՝ որպես ցուցադրական փորձեր, լիովին բացառվել են», - ասել է դեսպանը:

Նա տեղեկացրեց, որ կատարվածի կապակցությամբ 2 քրեական գործ է հարուցվել. մեկը անմիջապես ծեծկռտուքի փաստով, որը մեկ երիտասարդի մահվան պատճառ է դարձել և երկրոդը ազգամիջյան թշնամության բորբոքման փաստով: 5 ազգությունների 11 մարդ ձերբակալվել և կալանավորվել է: Ընդ որում 11-ից միայն երկուսն են ՀՀ քաղաքացի, Հայաստանի ևս մեկ քաղաքացի հետախուզվում է:

«Ես հատուկ չեմ ցանկանում թվարկել ձերբակալվածների ազգությունները: Սակայն նման բազմազանության փաստն ինքնին լիովին բացառում է միջէթնիկական պատճառը», - ասաց Ղալաչյանը:

«Բոլոր փաստերը, բոլոր իրադարձությունները պարզվում են: Այսօրվա հանդիպմանը մեզ նորից վստահեցրեց, որ ամեն ինչ օրենքի շրջանակում է, մեղավորները կհայտնաբերվեն և պատասխանատվության կենթարկվեն», - հավելեց դեսպանը:

Միևնույն ժամանակ հայ դիվանագետը նշեց մեծ քանակությամբ սխալ տեղեկատվության առկայության մասին, մասնավորապես սոցցանցերում:

«Շատ է չափազանցված: Ազգամիջյան թշնամության բորբոքման բացահայտ փորձեր կան : Ինչ-որ մեկը ցանկանում է օգուտ քաղել կատարվածից: Իրականում կարելի է վստահությամբ ասել, որ մեր հայերնակիցների անվտնագությունը, այդ թվում գույքային, ապահովված է Ղազախստանի իրավապահ մարմինների աշխատանքի շնորհիվ», - ասաց Ղալաչյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր