Հայրենական մեծ պատերազմի հաղթանակի օրվան նվիրված միջոցառումներ Ղազախստանում

10 մայիսի, 2019

Ղազախստանում ՀՀ դեսպան Գագիկ Ղալաչյանը, Ղազախստանում հավատարմագրված դիվանագիտական առաքելությունների ղեկավարների հետ մեկտեղ, մասնակցեց Հայրենական մեծ պատերազմում հաղթանակի 74-ամյակի կապակցությամբ մայրաքաղաք Նուր-Սուլթանից «Մայր հայրենիք» հուշարձան ընկած տարածքով կազմակերպված «Անմահ գունդ» քայլերթին: Իսկ ՂՀ-ում ՀՀ ռազմական կցորդ, գնդապետ Գրիգոր Տոնաբեկյանը մասնակցեց Հայրենիքի պաշտպանի հրապարակում տեղի ունեցած ծաղկեպսակների զետեղման արարողությանը, որին ներկա էին ՂՀ նախագահ Կասիմ-Ժոմարտ Տոկաևը, ՂՀ Սենատի նախագահ Դարիգա Նազարբաևան, ՂՀ վարչապետ Ասկար Մամինը:

Հաջորդ օրը Հաղթանակի և խաղաղության տոնի կապակցությամբ Ղազախստանում Հայաստանի դեսպանն այցելեց Եսիլ քաղաք (Ակմոլինսկի մարզ): ՀՀ դեսպանին և նրան ուղեկցող անձանց դիմավորեց Եսիլի շրջանի ակիմ Սերիկ Բալժանովը: ՀՀ դեսպանը և Եսիլի շրջանի ակիմը, ՂՀ-ում ՀՀ ռազմական կցորդ Գրիգոր Տոնաբեկյանի, Նուր-Սուլթանի և Կոկչետավի հայ համայնքի ներկայացուցիչների, ինչպես նաև շրջանի ռուս, տաջիկ և հույն համայնքների ներկայացուցիչների ուղեկցությամբ, այցելեցին քաղաքի գերեզմանատուն, ծաղկեպսակ դրեցին Խորհրդային Միության հերոս Իշխան Սարիբեկյանի (1912-1990թթ.) շիրիմին (Իշխան Սարիբեկյանը հերոսի կոչման է արժանացել 1944թ. ապրիլին՝ Սևաստոպոլի Սապուն լեռան անառիկ համարվող ամրությունները գրավելիս ցուցաբերած բացառիկ արիության համար):

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր