Դեսպան Ղալաչյանի հանդիպումը Ղազախստանի խորհրդարանի Մաժիլիսի նախագահի հետ

18 հունիսի, 2019

Հունիսի 18-ին Ղազախստանում ՀՀ դեսպան Գագիկ Ղալաչյանը հանդիպեց Ղազախստանի Հանրապետության Մաժիլիսի՝ խորհրդարանի ստորին պալատի նախագահ Նուրլան Նիգմատուլինի (Nurlan Nigmatulin) հետ:

Կողմերը փաստեցին, որ երկկողմ ավանդական բարեկամական կապերը գտնվում են բարձր մակարդակի վրա։ Երկուստեք գոհունակությամբ նշվեց Հայաստանի և Ղազախստանի բարձր ղեկավարության միջև վերջերս տեղի ունեցած շփումների կարևորությունը միջպետական հարաբերությունների հետագա զարգացման համար:

Անդրադարձ կատարվեց միջխորհրդարանական համագործակցությանը, երկկողմ և բազմակողմ ձևաչափում փոխգործակցության հետագա ընդլայնմանը, քննարկվեցին տարածաշրջանային և միջազգային խորհրդարանական կազմակերպությունների հարթակներում համատեղ աշխատանքի հնարավորությունները:

Գագիկ Ղալաչյանը ներկայացրեց մայիսի 22-24-ը ՀՀ-ՂՀ միջխորհրդարանական բարեկամական խմբի հայ պատգամավորների՝ Նուր-Սուլթան այցի արդյունքները: Այս համատեքստում կարևորվեց միջխորհրդարանական բարեկամական խմբերի համագործակցության հետագա ամրապնդումը:

Դեսպան Ղալաչյանը վերահաստատեց սեպտեմբերի 24-25-ը Նուր-Սուլթանում կայանալիք Եվրասիական երկրների խոսնակների համաժողովին ՀՀ ԱԺ նախագահի գլխավորած պատվիրակության մասնակցությունը և հաջողություն մաղթեց զրուցակցին այդ կարևոր միջոցառման կազմակերպման գործում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր