ՀՀ նորանշանակ դեսպանն իր հավատարմագրերի պատճենն է հանձնել Ղրղզստանի ԱԳ նախարարի առաջին տեղակալին

07 օգոստոսի, 2019

Ղրղզական Հանրապետությունում ՀՀ դեսպան Գագիկ Ղալաչյանը (նստավայրը՝ Նուր-Սուլթան) օգոստոսի 7-ին իր հավատարմագրերի պատճեննն է հանձնել Ղրղզստանի արտաքին գործերի նախարարի առաջին տեղակալ Նուրան Նիյազալիևին (Ниязалиев Нуран Садырович):

Ինչպես «Արմենպրես»-ին տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից, շնորհավորելով Գագիկ Ղալաչյանին պատասխանատու պաշտոնի ստանձնման կապակցությամբ՝ Նուրան Նիյազալիևը վստահություն է հայտնել, որ դեսպանը նոր շունչ կհաղորդի հայ-ղրղզական հարաբերությունների հետագա զարգացմանը:

Դեսպան Ղալաչյանն իր հերթին շնորհակալություն է հայտնել ջերմ ընդունելության համար և վստահեցրել, որ կշարունակի ներդնել առավելագույն ջանքերը երկկողմ հարաբերություններն ու համագործակցությունն առավել խորացնելու և զարգացնելու ուղղությամբ:

Ղրղզստան կատարած իր այցի շրջանակներում դեսպան Ղալաչյանը «Արարատ» մշակութային կենտրոնում հանդիպել է Բիշքեկի հայ համայնքի ղեկավար Սամսոն Բալյանի և համայնքի մյուս ներկայացուցիչների հետ: Հանդիպման ընթացքում քննարկվել են համայնքին առնչվող հարցեր: Դեսպան Ղալաչյանը պատասխանել է ներկաներին հետաքրքրող հարցերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր