Հայտարարություն

15 մարտի, 2020

Հարգելի՛ հայրենակիցներ,

Տեղեկացնում ենք, որ Ղազախստանի Հանրապետության նախագահը մարտի 15-ին ստորագրել է հրամանագիր, ըստ որի մարտի 16-ին ժամը 08։00-ից սկսած Ղազախստանի Հանրապետության տարածքում հայտարարվում է արտակարգ դրություն ՂՀ բնակչության անվտանգության ապահովման և նոր տիպի կորոնավիրուսի համավարակի (COVID-19) տարածման կանխարգելման նպատակով։ Արտակարգ դրությունը գործելու է մինչև ապրիլի 15-ը ժամը 07։00-ը։

Հաշվի առնելով Հրամանագրի 3-րդ կետի 6-րդ ենթակետը, ՂՀ ԱԳՆ պաշտոնական հայտարարությունները՝ հայտնում ենք, որ մարտի 16-ից ժամանակավորապես սահմանափակվելու է օտարերկրացիների, այդ թվում՝ ՀՀ քաղաքացիների մուտքը ՂՀ տարածք տրանսպորտի բոլոր միջոցներով, միևնույն ժամանակ Ղազախստանից ելքի սահմափակումները Հայաստան վերադարձող ՀՀ քաղաքացիների նկատմամբ, բնականաբար, չեն կիրառվելու։

Մանրամասներին կարելի է ծանոթանալ ՂՀ նախագահի և ԱԳՆ պաշտոնական կայքերից։

Մուտքի սահմանափակումը չի կիրառվելու հետևյալ կատեգորիաների օտարերկրացիների և քաղաքացիություն չունեցող անձանց նկատմամբ.

- Ղազախստանի և այլ երկրների դիվանագիտական ծառայության անձնակազմ և նրանց ընտանիքների անդամներ,

- ՂՀ ԱԳՆ հրավերով Ղազախստան ժամանող օտարերկրյա և միջազգային կազմակերպությունների պատվիրակությունների անդամներ,

- Ղազախստանում բնակության իրավունքի փաստաթուղթ ունեցող անձինք,

- Ղազախստանի քաղաքացիների ընտանիքների օտարերկրացի անդամներ։

Հորդորում ենք ծանոթանալ նաև Հայաստանի և Վրաստանի կառավարությունների կողմից ընդունված որոշմանը։

Խնդրում ենք հաշվի առնել, որ մինչև մարտի 30-ը օտարերկրացիների մուտքն Ուկրաինայի տարածք չի իրականացվելու, այդ թվում՝ տարանցիկ թռիչքների դեպքում։

Հիշեցնում ենք, որ ՀՀ դեսպանությունում գործում է շուրջօրյա թեժ գիծ՝ +7 778 229 1881 հեռախոսահամարով, որը հասանելի է նաև WhatsApp հավելվածով:

Հարգանքով,

Ղազախստանում ՀՀ դեսպանություն

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր