Հայտարարություն

19 օգոստոսի, 2020

Տեղեկացնում ենք, որ ս.թ. օգոստոսի 19-ին կազմակերպվեց «Aircompany Armenia» ավիաընկերության Կոստանայ-Երևան NGT 1706 չարտերային չվերթը: Ղազախստանում ՀՀ դեսպանության ջանքերով ևս 36 ՀՀ, ինչպես նաև 15 ՂՀ, 4 ՌԴ քաղաքացիներ և 1 քաղաքացիություն չունեցող անձ մեկնեցին ՀՀ:

Հիշեցնում ենք, որ Պարետատան որոշմամբ Հայաստան վերադարձող 56 անձինք գտնվելու են 14-օրյա պարտադիր ինքնամեկուսացման մեջ: Ինքնամեկուսացման ընթացքում ՊՇՌ հետազոտություն անցնելու և թեստի բացասական պատասխանի դեպքում կարող են դուրս գալ ինքնամեկուսացումից։ Տվյալ անձանց թեստավորման համար նմուշառումը կարող է իրականացվել բացառապես իրենց գտնվելու (ինքնամեկուսացման) վայրում՝ լաբորատորիայի աշխատակիցների այցելության միջոցով:

Ղազախստանում ՀՀ դեսպանությունը շարունակական ջանքեր է գործադրում՝ իրենց հայրենիք վերադառնալու ցանկություն հայտնած ՀՀ քաղաքացիներին աջակցելու ուղղությամբ:

Հարգանքով,
Ղազախստանում ՀՀ դեսպանություն

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր