Անկախության տոնի առթիվ Նիկոլ Փաշինյանին շնորհավորական ուղերձ է հղել Կասիմ Ժոմարտ Տոկաևը

21 սեպտեմբերի, 2020

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել Ղազախստանի նախագահ Կասիմ Ժոմարտ Տոկաևը: Ուղերձում, մասնավորապես, ասված է.

«Հարգելի Նիկոլ Վովայի

Ընդունեք սրտանց շնորհավորանքներս Հայաստանի Հանրապետության ազգային տոնի՝ Անկախության օրվա առթիվ։

Այսօր Ձեր ղեկավարությամբ իրականացվող կարևոր բարեփոխումներն ամուր հիմք են ստեղծում Հայաստանի հետագա զարգացման և առաջխաղացման համար, ինչպես նաև նոր հնարավորություններ են ընձեռում մեր երկրների միջև արգասաբեր համագործակցության համար։

Համոզված եմ՝ համատեղ ջանքերի շնորհիվ Ղազախստանի և Հայաստանի միջև բազմադարյա բարեկամության և փոխշահավետ համագործակցության վրա հիմնված հարաբերությունները հետագայում ևս կամրապնդվեն ինչպես երկկողմ ձևաչափով, այնպես էլ եվրասիական տարածաշրջանում տնտեսական ինտեգրացիայի շրջանակներում։

Մաղթում եմ Ձեզ, հարգելի Նիկոլ Վովայի, հետագա հաջողություններ պետական պատասխանատու պաշտոնում, իսկ բարեկամ Հայաստանի ժողովրդին՝ բարեկեցություն և բարգավաճում»:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր