Հայտարարություն

23 սեպտեմբերի, 2020

Հարգելի՛ հայրենակիցներ,

տեղեկացնում ենք, որ պաշտոնապես հաստատվել է Ակտաու-Երևան «SCAT» ավիաընկերության DV 5071 չարտերային չվերթը, որը կայանալու է սեպտեմբերի 25-ին ժամը 22։00-ին։ Տոմսի արժեքը կազմում է 300 ամ․ դոլար։ Տոմսերը գնելու հնարավորության և միջոցների մասին տեղեկատվությունը ստանալուն պես լրացուցիչ կհայտնենք։

Հիշեցնում ենք, որ ՀՀ կառավարության որոշմամբ սեպտեմբերի 11-ին դադարեցվել է ՀՀ տարածքում արտակարգ դրության իրավական ռեժիմը և ուժի մեջ է մտել կորոնավիրուսային հիվանդությամբ պայմանավորված կարանտին սահմանելու մասին ՀՀ կառավարության 1514-Ն որոշումը՝ համաձայն որի ՀՀ ամբողջ տարածքում 2020 թվականի սեպտեմբերի 11-ից, ժամը 17:00-ից մինչև 2021 թվականի հունվարի 11-ը ներառյալ սահմանվել է կարանտին:

Օգոստոսի 12-ից մեղմացվել են մի շարք սահմանափակումներ, մասնավորապես՝

վերացվել է օդային ճանապարհով օտարերկրյա քաղաքացիների մուտքի արգելքը:

Մանրամասն՝ https://bit.ly/364wEKJ

Հայաստան մեկնել պատրաստվող անձանց խնդրում ենք նախապես հայտնել Ղազախստանում ՀՀ դեսպանություն մեկնելու իրենց ցանկության մասին: Անհրաժեշտ տվյալները (ԱԱՀ, անձնագրի, ծննդյան, կոնտակտային տվյալներ) ուղարկել ՀՀ դեսպանության էլեկտրոնային փոստի հասցեին (armkazakhstanembassy@mfa.am) կամ ՀՀ դեսպանության հյուպատոսական բաժնի հեռախոսահամարին (+77782291881) WhatsApp հավելվածի օգնությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր