Ղազախստանում ՀՀ դեսպան Գագիկ Ղալաչյանի հրաժեշտի հանդիպումը ՂՀ ԱԳ նախարարի հետ

14 դեկտեմբերի, 2020

Դեկտեմբերի 14-ին Ղազախստանում ՀՀ արտակարգ և լիազոր դեսպան Գագիկ Ղալաչյանը ՂՀ–ում իր առաքելությունն ավարտելու կապակցությամբ հրաժեշտի հանդիպում ունեցավ ՂՀ ԱԳ նախարար Մուխթար Թլեուբերդիի հետ:

Ողջունելով հյուրին` ՂՀ ԱԳ նախարարը շնորհակալություն հայտնեց Գ.Ղալաչյանին երկկողմ հարաբերությունների զարգացման գործում ունեցած զգալի ավանդի համար։ Մ.Թլեուբերդին ընդգծեց երկու երկրների միջև առկա կայուն քաղաքական երկխոսությունը, այդ թվում՝ բազմակողմ ձևաչափով (ԱՊՀ, ԵԱՏՄ ու ՀԱՊԿ շրջանակներում)։

Շնորհակալություն հայտնելով ջերմ ու բարեկամական ընդունելության համար` ՀՀ դեսպանն իր երախտագիտությունը հայտնեց Ղազախստանի իշխանություններին, մասնավորապես` ԱԳ նախարարությանը դեսպանությանը ցուցաբերված մշտական աջակցության, սերտ փոխգործակցության համար: Գ.Ղալաչյանը վստահություն հայտնեց, որ հայ–ղազախստանյան հարաբերությունները այսուհետ ևս կշարունակեն վերընթաց զարգացում ապրել քաղաքական, տնտեսական և հումանիտար ոլորտներում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր