Քաղաքական խորհրդատվություններ Հայաստանի Հանրապետության և Ղազախստանի Հանրապետության ԱԳ նախարարությունների միջև

08 հնս, 2025

Ապրիլի 20-ին Հայաստանի Հանրապետության և Ղազախստանի Հանրապետության արտաքին գործերի նախարարների տեղակալներ Արմեն Ղևոնդյանի և Մարատ Սիզդիկովի միջև անցկացվեցին քաղաքական խորհրդատվություններ:

Տեսակապի ընթացքում մանրամասն քննարկվեցին երկկողմ հարաբերություններին, այդ թվում՝ քաղաքական, առևտրատնտեսական, մշակութային և հումանիտար ոլորտներին առնչվող արդիական հարցեր: Կողմերը պատրաստակամություն հայտնեցին համակարգել ջանքերը միջպետական փոխգործակցության իրավապայմանագրային դաշտի հետագա ընդլայնման ուղղությամբ:

Նախարարների տեղակալները հանգամանալից կերպով մտքեր փոխանակեցին ՀԱՊԿ, ԵԱՏՄ և ԱՊՀ շրջանակներում դիտարկվող բազմաթիվ հարցերի շուրջ: Երկուստեք ընդգծվեց նշված կառույցների արդյունավետության բարձրացմանը նպաստելու պատրաստակամությունը:

Խորհրդատվությունները հաստատեցին սերտ երկխոսությունը շարունակելու փոխադարձ շահագրգռվածությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր