Տեսակոնֆերանսի ձևաչափով տեղի ունեցավ գործարար համաժողով՝ երկու երկրների ավելի քան 30 ընկերությունների ներկայացուցիչների մասնակցությամբ

25 մայիսի, 2021

Մայիսի 25-ին տեսակոնֆերանսի ձևաչափով տեղի ունեցավ գործարար համաժողով՝ երկու երկրների ավելի քան 30 ընկերությունների ներկայացուցիչների մասնակցությամբ:

Համաժողովի կազմակերպմանն աջակցեցին ՂՀ-ում ՀՀ դեսպանությունն ու ՀՀ-ում ՂՀ դեսպանությունը:

Գործարար hամաժողովը վարեց «QazTrade» առևտրի քաղաքականության զարգացման կենտրոնի տնօրենի տեղակալ Նուրալի Բուկեյխանովը:

Համաժողովի պաշտոնական մասում ելույթներով հանդես եկան ՀՀ էկոնոմիկայի փոխնախարար Նարեկ Տերյանը, ՂՀ առևտրի և ինտեգրման փոխնախարար Կայրաթ Տորեբաևը, ՂՀ-ում ՀՀ գործերի ժամանակավոր հավատարմատար Արթուր Մանասերյանը, ՀՀ-ում ՂՀ արտակարգ և լիազոր դեսպան Բոլատ Իմանբաևը և Հայաստանի առևտրաարդյունաբերական պալատի տնօրեն Անդրանիկ Ալեքսանյանը:

Կարևորվեց համագործակցության հետագա զարգացումը տնտեսության երկուստեք հետաքրքրություն ներկայացնող ոլորտներում:

Հայկական կողմից մասնակցեցին շինարարության, սննդի արտադրության և խորհրդատվություններ մատուցող ոլորտների ընկերություններ:

Ղազախստանյան կողմից մասնակցություն ունեցան ապրանքներ արտադրող և ծառայություններ մատուցող ընկերություններ այնպիսի ոլորտներում, ինչպիսիք են՝ երկաթուղային և ավտոմոբիլային ճանապարհների կառուցումը, ջերմային ցանցերի արդիականացումը, քաղաքային տրանսպորտային ենթակառուցվածքի թարմացումը և սննդի արդյունաբերությունը:

Հաշվի առնելով համաժողովի շրջանակներում գործարար և ներդրումային համագործակցության խորացման և պայմանավորվածությունների գործնական ու հետևողական կատարման անհրաժեշտությունը՝ կողմերը որոշում կայացրին ընթացիկ տարվա հոկտեմբեր ամսվա երկրորդ կեսին Ալմաթիում անցկացնել հերթական գործարար համաժողովը՝ երկու երկրների շահագրգիռ գործարարների առավելագույն ներգրավմամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր