Հանդիպում Ղազախստանի ժողովուրդների համաժողովում

08 հունիսի, 2022

Ս.թ․ հունիսի 8-ին Ղազախստանում Հայաստանի արտակարգ և լիազոր դեսպան Արմեն Ղևոնդյանը հանդիպում ունեցավ Ղազախստանի ժողովուրդների համաժողովի նախագահի տեղակալ Մարատ Ազիլխանովի հետ։

Հանդիպմանը Հայաստանի դիվանագիտական առաքելության ղեկավարին ներկայացվեց Ղազախստանի Հանրապետության նախագահի կողմից ղեկավարվող համաժողովի գործունեության հիմնական ուղղությունները՝ միտված պետական և քաղաքացիական հասարակության ինստիտուտների միջև միջէթնիկ հարաբերությունների ոլորտում փոխգործակցության արդյունավետության բարձրացմանը։

Կայացած քննարկումների ընթացքում երկուստեք կարևորվեց համայնքային միավորումների ինստիտուցիոնալ գործառնությունը, որին լուրջ դերակատարություն է վերապահված Հայաստանի և Ղազախստանի ժողովուրդների միջև բազմակողմ կապերի հետագա զարգացման, ինչպես նաև ազգային ինքնության ու մշակութային ժառանգության պահպանման հարցերում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր