Հանդիպում Ղազախստանի հովվապետական շրջանի ղեկավարի հետ

30 հունիսի, 2022

Ս.թ. հունիսի 30-ին Ղազախստանի հովվապետական շրջանի ղեկավարի նստավայրում կայացավ Ղազախստանում Հայաստանի դեսպան Արմեն Ղևոնդյանի հանդիպումը Աստանայի և Ղազախստանի միտրոպոլիտ Ալեքսանդրի հետ:

Հանդիպմանը երկուստեք համոզմունք է հայտնվել, որ Հայաստանի և Ղազախստանի ժողովուրդների միջև ձևավորված բարեկամական և փոխըմբռնման հարաբերությունները հետագայում ևս կկանխորոշեն հայ-ղազախստանյան համագործակցությունը:

Միտրոպոլիտ Ալեքսանդրը ներկայացրել է Ղազախստանում պետական և դավանաբանական, ինչպես նաև միջկրոնական երկխոսության զարգացման ուղղությամբ իրականացվող քայլերը, որոնք՝ նպաստում են հասարակությունում փոխադարձ հարգանքի և համերաշխության ամրապնդմանը:

Հայաստանի դեսպանը երախտիքի խոսքեր է հղել Ղազախստանում հայ համայնքի հոգևոր կյանքին աջակցություն ցուցաբերելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր