Գիտության և բարձրագույն կրթության նախարարությունում կայացած հանդիպման մասին

25 հուլիսի, 2022

2022 թվականի հուլիսի 25-ին Ղազախստանում Հայաստանի դեսպան Արմեն Ղևոնդյանը հանդիպում է ունեցել Ղազախստանի գիտության և բարձրագույն կրթության նախարար Սայասաթ Նուրբեկի հետ։

Հանդիպմանը քննարկվել են կրթության և գիտության բնագավառում հայ-ղազախստանյան համագործակցության, երկու պետությունների բարձրագույն ուսումնական հաստատությունների և գիտահետազոտական կենտրոնների միջև կապերի զարգացմանն ուղղված հարցեր։ Արծարծվել են նաև մի շարք փոխադարձ հետաքրքրություն ներկայացնող, այդ թվում՝ ստեղծարար տեխնոլոգիաներին առնչվող նախագծերի իրականացման հարցեր։

Դեսպանը տեղեկացրել է նաև ընթացիկ տարվա սեպտեմբերին Հայաստանում նախատեսված «STARMUS FESTIVAL VI. 50 Years on Mars»-ը միջազգային փառատոնի վերաբերյալ, որի նպատակն է խթանել գիտության և արվեստի զարգացմանը, ընդլայնել կրթական կենտրոնների և գիտական հաստատությունների հետ կապերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր