Ղազախստանի Մանգիստաու մարզ այցելության վերաբերյալ

07 հոկտեմբերի, 2022

Ս․թ․ հոկտեմբերի 7-ին ՂՀ Մանգիստաու մարզի վարչական կենտրոն Ակտաու քաղաքում կայացել է Ղազախստանում Հայաստանի դեսպան Արմեն Ղևոնդյանի հանդիպումը մարզի ակիմ Նուրլան Նոգաևի հետ։

Հանդիպման ընթացքում քննարկվել են հայ-ղազախստանյան ապակենտրոնացված համագործակցության շրջանակներում առևտրատնտեսական հարաբերությունների առաջմղմանն, ինչպես նաև մշակութային և հումանիտար ծրագրերի իրագործմանն առնչվող հարցեր։ Կարևորելով համակարգային հիմունքներով միջտարածքաշրջանային փոխգործակցության զարգացումը, վերահաստատվել է տնտեսական և տրանսպորտային լոգիստիկ հնարավորությունները՝ գործընկերության առկա ներուժի իրագործմամբ։ Մարզի ղեկավարը պատրաստակամություն հայտնել Հայաստանի մարզերի հետ փոխշահավետ և արդյունավետ համագործակցություն ծավալելու հարցում։

Ս․թ․ հոկտեմբերի 8-ին մարզային քաղաք Ֆորտ-Շևչենկոյում Սբ. Հռիփսիմե (Աստրախան) եկեղեցու հոգևոր հովիվ Մարկոս Սարգսյանը կատարեց վերանորոգված հայկական մատուռի (1883թ․) օծման ծիսակարգը։

Միջոցառմանը մասնակցեցին դեսպան Ա․Ղևոնդյանը, Տուպկարագանսկի շրջանի ակիմ Ռախատ Ելտիզարովը, Ղազախստանի Խորհրդարանի Մաժիլիսի պատգամավոր Ավետիք Ամիրխանյանը, «Եղբայրություն» հայկական էթնոմշակութային միավորման նախագահ Հայրապետ Կուրդօղլյանը, ինչպես նաև «Ղազախստանի Հանրապետությունում «Նաիրի» հայկական մշակութային կենտրոնների ասոցիացիայի» նախագահ Արտուշ Կարապետյանը, համայնքային կառույցների ղեկավարներ և ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր