Ալմաթիում կայացած միջոցառումների մասին

14 նոյեմբերի, 2022

Ս.թ. նոյեմբերի 13-ին Ալմաթիում Ժամբիլայի անվան ղազախստանյան պետական ֆիլհարմոնիայում կայացել է համերգ, որի ծրագրում էին Արամ Խաչատրյանի հայտնի ստեղծագործությունները:

Ֆիլհարմոնիայի լեփ-լեցուն Մեծ դահլիճում կայացած «The Best of Хачатурян» խորագրով համերգը հնարավորություն ընձեռեց հանդիսատեսին ունկնդրել մեծն կոմպոզիտորի ստեղծագործությունները:

Միջոցառմանը մասնակցեց նաև Ղազախստանում Հայաստանի դեսպան Արմեն Ղևոնդյանը:

Ալմաթի այցելության շրջանակներում ս.թ. նոյեմբերի 14-ին կայացավ դեսպան Ա.Ղևոնդյանի հանդիպումը Ղազախստանի Հանրապետության պետական կենտրոնական թանգարանի տնօրեն Ռաշիդա Խարիպովայի հետ: Հանդիպմանը քննարկվեց հումանիտար մշակութային ոլորտում հայ-ղազախստանյան փոխգործակցության ընդլայնումը, այդ թվում՝ մոտ ժամանակահատվածում նախատեսված համատեղ ծրագրերի իրականացմամբ:

Նույն օրը դեսպան Ա.Ղևոնդյանի՝ «Արվեստ» գեղարվեստական պատկերասրահի տնօրեն Ռիմա Ցականյանի հետ կայացած հանդիպման արդյունքներով՝ Հայաստանի և Ղազախստանի ժողովուրդների ստեղծագործական ժառանգության հանրայնացման, ժամանակակից նկարիչների և քանդակագործերի աշխատանքների ներկայացման համատեքստում փոխադարձ ընդգծվեց համապատասխան միջոցառումների անցկացման կարևորությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր