Ղազախստանի ԱԳ նախարարի տեղակալի հետ կայացած հանդիպման մասին

31 հունվարի, 2023

2023 թվականի հունվարի 31-ին կայացել է Ղազախստանում Հայաստանի դեսպան Ա.Ղևոնդյանի հանդիպումը Ղազախստանի արտաքին գործերի նախարարի տեղակալ Ե.Կոնուսպաևի հետ:

Զրույցի ընթացքում քննարկվել են քաղաքական, տնտեսական, մշակութային և հումանիտար ոլորտներում հայ-ղազախստանյան համագործակցության հետագա խթանման գործնական հարցեր, ինչպես նաև դիտարկվել են ընթացիկ տարում երկկողմ, այդ թվում՝ միջպետական փոխգործակցության մեխանիզմների շրջանակներում նախատեսված միջոցառումների ծրագրերը:

Մտքեր են փոխանակվել տարածաշրջանային անվտանգության ու կայունության հանգուցային ասպեկտների շուրջ։ Հայաստանի դեսպանը մանրամասն տեղեկություններ է հայտնել Ադրբեջանի կողմից Լաչինի միջանցքի արգելափակման հետևանքով Լեռնային Ղարաբաղում օրեցօր ահագնացող հումանիտար ճգնաժամի մասին։ Նշվել է, որ միջազգային իրավունքի ու 2020 թվականի նոյեմբերի 9-ի եռակողմ հայտարարության դրույթների կոպտագույն խախտմամբ Ադրբեջանը նպատակ է հետապնդում էթնիկ զտման ենթարկել արցախահայությանը: Փոխնախարարը մանրամասն տեղեկացվել է նաև Լաչինի միջանցքի անհապաղ ապաշրջափակման, Հայաստանի և Լեռնային Ղարաբաղի միջև անվտանգ ու անխոչընդոտ հաղորդակցությունը վերականգնելու միջազգային արձագանքի և հասցեական կոչի մասին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր