Պետական թանգարանում կայացած միջոցառման մասին

01 փետրվարի, 2023

2023 թվականի փետրվարի 1-ին Ալմաթիում գործող Ղազախստանի Հանրապետության Պետական կենտրոնական թանգարանում կայացավ հայկական մշակույթի և պատմության տաղավարի հանդիսավոր բացման արարողությունը։

Միջոցառմանը մասնակցել են Ալմաթիում հավատարմագրված օտարերկրյա պետությունների մի շարք գլխավոր և պատվավոր հյուպատոսությունների ղեկավարներ և ներկայացուցիչներ, տեղական ԶԼՄ-ների, Ալմաթիի հասարակական և մշակութային շրջանակների, ինչպես նաև Ղազախստանի «հարավային մայրաքաղաքի» հայ համայնքի ներկայացուցիչներ։

Ղազախստանի Հանրապետությունում Հայաստանի Հանրապետության արտակարգ և լիազոր դեսպան Ա.Ղևոնդյանը հանդես գալով ողջույնի խոսքով նշել է այնպիսի նախագծերի կարևորությունը, որոնք նպաստում են՝ ինչպես ազգային և մշակութային ինքնության պահպանմանը, այնպես էլ Հայաստանի և Ղազախստանի ժողովուրդների միջև բարեկամական հարաբերությունների զարգացմանը՝ մշակույթների փոխադարձ հարստացման միջոցով։

«Ղազախստանի սփյուռքի պատմություն և մշակույթ» սրահում գործող հայկական տաղավարում ներառված են՝ հայկական ձեռագործ իրեր, ազգային տարազներ, գորգեր, երաժշտական գործիքներ և այլն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր