Ալմաթիի քաղաքապետի հետ հանդիպման մասին

01 փետրվարի, 2023

2023 թվականի փետրվարի 1-ին կայցել է Ղազախստանում Հայաստանի դեսպան Արմեն Ղևոնդյանի հանդիպումը Ալմաթիի քաղաքապետ Երբոլատ Դոսաևի հետ։

Հանդիպման ընթացքում քննարկվել է հայ-ղազախստանյան ապակենտրոնացված համագործակցության հարցերի լայն շրջանակ, որի զարգացման գործում Ղազախստանի «հարավային մայրաքաղաքին» կարևոր դերակատարություն է վերապահված՝ հաշվի առնելով Ալմաթիի առկա բարձր ներուժը տնտեսության և առևտրի, ներդրումների, կրթության, մշակույթի և զբոսաշրջության ոլորտներում:

Երկուստեք նշվել է, որ միջտարածաշրջանային կապերի և շփումների ակտիվացումը լրացուցիչ հնարավորություններ կստեղծի փոխշահավետ առևտրատնտեսական և ներդրումային համագործակցության նոր ձևաչափերի բացահայտման, ինչպես նաև մշակութային և հումանիտար ոլորտում հետաքրքիր նախագծեր իրականացնելու գործում։ Այս համատեքստում երկուստեք ընդգծվել է Ալմաթիի հայ համայնքի դրական դերակատարությունը։

Պայմանավորվածություն է ձեռք բերվել հետագա շփումների մասով, այդ թվում՝ ի նպաստ Հայաստանի մարզերի և Ղազախստանի մարզերի ու հանրապետական նշանակության քաղաքների միջև համագործակցության իրավական ամրագրմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր