Ղազախստանի օմբուդսմենի հետ հանդիպման մասին

06 փետրվարի, 2023

2023 թվականի փետրվարի 6-ին կայացել է Ղազախստանում Հայաստանի դեսպան Արմեն Ղևոնդյանի հանդիպումը Ղազախստանի Հանրապետությունում մարդու իրավունքների նորընտիր հանձնակատար Արթուր Լաստաևի հետ։

Հանդիպմանը Ա.Լաստաևը ներկայացրել է Մարդու իրավունքների հանձնակատարի գրասենյակի գործունեության հիմնական ուղղությունները, գործառույթներն ու լիազորությունները, որոնք զգալիորեն ընդլայնվել են նախորդ տարվա հունիսին Ղազախստանում կայացած սահմանադրական հանրաքվեի արդյունքում։

Իր հերթին, Ա.Ղևոնդյանը ներկայացրել է Արցախում ստեղծված հումանիտար ճգնաժամի մանրամասներն՝ ի հետևանք Ադրբեջանի կողմից Լաչինի միջանցքի անօրինական արգելափակման, ինչը հանդիսանում է 2020թ․ նոյեմբերի 9-ի եռակողմ հայտարարության և միջազգային մարդասիրական իրավունքի կոպտագույն խախտում։ Ղազախստանի մարդու իրավունքների հանձնակատարը տեղեկացվել է նաև Ադրբեջանի կողմից հայատյացության քաղաքականության այլ դրսևորումների, այդ թվում՝ հունվարի 17-ին Լեռնային Ղարաբաղ վերադարձող երեխաների հետ կապված միջադեպի վերաբերյալ։

Ա.Ղևոնդյանը և Ա.Լաստաևը քննարկել են Հայաստանի և Ղազախստանի քաղաքացիների իրավունքների պաշտպանությանն առնչվող մի շարք հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր