Ռազմավարական հետազոտությունների ինստիտուտում կայացած հանդիպման վերաբերյալ

08 փետրվարի, 2023

Ս․թ․ փետրվարի 8-ին կայացել է Ղազախստանում Հայաստանի դեսպան Արմեն Ղևոնդյանի հանդիպումը Ղազախստանի նախագահին առընթեր ռազմավարական հետազոտությունների ղազախստանյան ինստիտուտի տնօրեն Երկին Տուկումովի հետ։

Ինստիտուտի ներկայացուցիչների մասնակցությամբ կայացած հանդիպմանը դիտարկվել է Հայաստանի և Ղազախստանի միջև համագործակցության հեռանկարային ուղղություններին առնչվող հարցերի լայն շրջանակ:

Տարածաշրջանային զարգացումների համատեքստում Ա․Ղևոնդյանը ներկայացրել է Լեռնային Ղարաբաղի հակամարտության գոտում հրադադարի և բոլոր ռազմական գործողությունների դադարի մասին 2020թ․ նոյեմբերի 9-ին եռակողմ հայտարարության ընդունումից հետո ստեղծված իրավիճակը, ինչպես նաև նշյալ հայտարարությամբ ստանձնած պարտավորությունների կատարման ընթացքը։

Առանձնակի ուշադրության կենտրոնում էին Ադրբեջանում գերության մեջ պահվող հայ ռազմագերիների և քաղաքացիական անձանց ազատ արձակման և հայրենադարձման, տարածաշրջանում տնտեսական և տրանսպորտային կապերի ապաշրջափակման հարցերը, ինչպես նաև Լաչինի միջանցքի արգելափակումը, որպես Լեռնային Ղարաբաղի հայերի էթնիկ զտման ադրբեջանական քաղաքականության դրսևորում։

Հանդիպման արդյունքներով ընդգծվել է դեսպանության և ինստիտուտի միջև կայուն կապերի պահպանման անհրաժեշտությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր