«Ֆրանկոֆոնյան գարուն 2023» շրջանի բացում

01 մարտի, 2023

Ս․թ․ մարտի 1-ին Կազմեդիա կենտրոնում կազմակերպվել էր մամլո ասուլիս՝ նվիրված «Ֆրանկոֆոնյան գարուն 2023» շրջանի պաշտոնական բացմանը, որի շրջանակներում Աստանայում և Ալմաթիում, Ղազախստանի մի շարք քաղաքներում կանցկացվեն վիրտուալ իրականության ցուցահանդեսներ, Ֆրանկոֆոնյան ֆիլմերի շաբաթ, կարճամետրաժ ֆիլմերի գիշեր և Ֆրանկոֆոնյան երգերի մրցույթ։

Ղազախստանում Ֆրանսիայի դեսպան Դիդյե Կանեսսը տեղեկացրել է ՂՀ-ում հավատարմագրված մի շարք դիվանագիտական առաքելությունների մասնակցությամբ կազմակերպվող միջոցառումների հայեցակարգի մասին։

Ղազախստանում Հայաստանի դեսպան Արմեն Ղևոնդյանն իր ելույթում ներկայացրել է Ֆրանկոֆոնիայի միջազգային կազմակերպությունում 2018-2022 թվականներին Հայաստանի նախագահության արդյունքները, ինչպես նաև ՖՄԿ Երևանյան հռչակագրի դրույթների իրականացման ընթացքը։

«Ֆրանկոֆոնյան գարուն 2023» շրջանին նախատեսված են ռեժիսոր և գրող Վիկտորիա Ալեքսանյանի «Կապույտի միջով» կարճամետրաժ, ռեժիսոր Լիլիթ Ալթունյանի «Երբ ես տխուր եմ» հայ-ֆրանսիական անիմացիոն, ինչպես նաև Ջիվան Ավետիսյանի «Դրախտի դարպասը» ֆիլմների ցուցադրումները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր