Հանդիպում Ղրղզստանի էկոնոմիկայի և առևտրի նախարարությունում

27 մարտի, 2023

Ս.թ․ մարտի 27-ին կայացել է Ղրղզական Հանրապետությունում Հայաստանի Հանրապետության Արտակարգ և Լիազոր դեսպան Արմեն Ղևոնդյանի (նստավայրը՝ Աստանա) հանդիպումը Ղրղզական Հանրապետության էկոնոմիկայի և առևտրի նախարար, հայ-ղրղզական միջկառավարական հանձնաժողովի համանախագահ Դանիյար Ամանգելդիևի հետ։

Հանդիպման ընթացքում դիտարկվել է Հայաստանի և Ղրղզստանի միջև առևտրատնտեսական համագործակցության առաջմղմանն առնչվող, այդ թվում՝ ԵԱՏՄ և այլ բազմակողմ կառույցների շրջանակներում նախատեսված գործիքակազմի կիրարկմամբ, հարցերի լայն շրջանակ։ Քննարկվել են հանձնաժողովի՝ 2022թ․ նոյեմբերին Երևանում կայացած նիստի արդյունքներով ձեռքբերված պայմանավորվածությունների կատարման ընթացքն ու հերթական նիստի նախապատրաստմանն առնչվող հարցեր։

Երկկողմ առևտրի ապրանքատեսակների և ծավալների ընդլայնման, փոխգործակցության հեռանկարային ուղղությունների վերհանման ու լոգիստիկ հնարավորությունների դիվերսիֆիկացման հարցերի համատեքստում դեսպան Ա․Ղևոնդյանը ներկայացրել է հայաստանյան կողմի շահագրգռվածությունը տարածաշրջանային տրանսպորտային կապուղիների գործնական ապաշրջափակման և դրանց՝ ազգային օրենսդրության դրույթների ու կողմերի միջազգային պարտավորվածությունների հաշվառմամբ անխափան գործունեության հարցում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր