Ղրղզստանի խորհրդարանում կայացած հանդիպման մասին

29 մարտի, 2023

Ս.թ․ մարտի 29-ին կայացել է Ղրղզական Հանրապետությունում Հայաստանի Հանրապետության Արտակարգ և լիազոր դեսպան Արմեն Ղևոնդյանի (նստավայրը՝ Աստանա) հանդիպումը Ղրղզական Հանրապետության Ժոգորկու Քենեշի միջազգային հարցերով, պաշտպանության, անվտանգության և միգրացիայի հանձնաժողովի նախագահ Ուլան Պրիմովի հետ։

Հանդիպմանն արձանագրվել է երկուստեք հետաքրքրվածությունը Հայաստանի և Ղրղզստանի օրենսդիր մարմինների գործունեության մասին տեղեկատվության փոխանակմանն, ինչպես նաև երկկողմ մակարդակով և մասնագիտացված միջխորհրդարանական կառույցների շրջանակներում հայ-ղրղզստանյան միջխորհրդարանական համագործակցության աշխուժացմանն առնչվող հարցերի շուրջ: Քննարկվել են Բարեկամական խմբի շրջանակներում հերթական հանդիպման կազմակերպման հարցերը։

Տարածաշրջանային զարգացումների շուրջ մտքերի փոխանակման ընթացքում Հայաստանի դեսպանը ներկայացրել է 2020թ․ նոյեմբերի 9-ի եռակողմ հայտարարության ընդունումից հետո ստեղծված իրավիճակը։ Խորհրդարանի հանձնաժողովի նախագահը տեղեկացվել է նաև Ադրբեջանի կողմից ապօրինաբար արգելափակված Լաչինի միջանցքով ազատ տեղաշարժի ապահովման մասով միջազգային հանրության, այդ թվում՝ վերջինիս խորհրդարանական բաղադրիչի, հստակ կոչերի ու հասցեական գնահատականների մասին։

Նույն օրը ՀՀ դեսպան Ա․Ղևոնդյանը հանդիպում է ունեցել Բիշքեկում գտնվող Հայաստան-Ղրղզստան բարեկամական խորհրդարանական խմբի անդամ պատգամավոր Ժանիբեկ Կիդիկբաևի հետ։ Հանդիպմանը դիտարկվել են Բարեկամական խմբի գործունեությանն առնչվող հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր