Հանդիպում համայնքային կառույցների ղեկավարության հետ

24 մայիսի, 2023

Ս․թ․ մայիսի 24-ին Ղազախստանում Հայաստանի դեսպան Արմեն Ղևոնդյանը հանդիպել է «Նաիրի» հայկական մշակութային կենտրոնների ասոցիացիայի» ղեկավարության և ներկայացուցիչների հետ։

Նշյալ հանդիպմանը նախորդել է «Նաիրի» ասոցիացիայի հաշվետու-ընտրական ծողովը, որի արդյունքներով «Նաիրիի» ղեկավար է ընտրվել Նարինե Միքայելյանն, ով նախկինում հանդիսացել է նշյալ հանրապետական կառույցի ղեկավարի տեղակալ, ինչպես նաև Ղազախստանի խորհրդարանի ստորին պալատի՝ Մաժիլիսի 6-րդ գումարման պատգամավոր։

Շնորհավորելով Ն․Միքայելյանին ընտրվելու կապակցությամբ և շնորհակալություն հայտնելով «Նաիրիի» ասոցիացիայի բազմամյա ղեկավարության համար Արտուշ Կարապետյանին՝ դեսպան Ա․Ղևոնդյանը վերահաստատել է դեսպանության պատրաստակամությունը հետագայում ևս սատարել «Նաիրի» կառույցի՝ Հայաստանի և Ղազախստանի ժողովուրդների միջև բարեկամության ամրապնդմանն ու հայկական մշակույթի, լեզվի և ազգային ինքնության պահպանմանն ուղղված գործունեությանը ։

Իր հերթին՝ Ղազախստանի ժողովուրդների համաժողովի նախագահի տեղակալ Մարատ Ազիլխանովը՝ Ղազախստանում միջէթնիկ հարաբերությունների և քաղաքացիական հասարակության զարգացման հարցում իրականացվող պետական քաղաքականության համատեքստում, ընդգծել է հայ համայնքի և «Նաիրի» ասոցիացիայի կառուցողական դերակատարությունը:

Ղազախստանի նախագահի կողմից գլխավորած Ղազախստանի ժողովուրդների համաժողովում հավատարմագրված «Նաիրի» ասոցիացիայի կազմում ընդգրկված են Ղազախստանի 12 քաղաքներում և մարզերում գործող հայկական համայնքային կառույցներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր