Այցելություն թանգարանային հուշահամալիր

31 մայիսի, 2023

Ս․թ․ մայիսի 31-ին Ղազախստանում Հայաստանի դեսպան Արմեն Ղևոնդյանը` Հայաստանի դիվանագիտական առաքելության և Աստանայի հայ համայնքի ներկայացուցիչների հետ համատեղ այցելեցին «ԱԼԺԻՐ» թանգարանային հուշահամալիր և ծաղիկներ զետեղեցին ի հիշատակ XX-րդ դարի 30-50-ական թթ․ բռնադատված անձանց հիշատակին տեղակայված խաչքարին։

Հայրենիքի դավաճանների կանանց Աքմոլայի ճամբարը (ռուս.՝ Акмолинский лагерь жён изменников Родины) խորհրդային ժամանակաշրջանում կանանց խոշորագույն գաղութներից էր, որտեղ, տարբեր ազգությունների հազարավոր կանանց հետ մեկտեղ, դատապարտվել էին Հայաստանից աքսորված մոտ 80 կին, որոնց մի մասը մահացել է աքսորավայրում։

1997թ․-ից մայիսի 31-ը Ղազախստանում հռչակվել է որպես Քաղաքական բռնաճնշումների զոհերի հիշատակի օր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր