Ղազախստանի օդատիեզերական կոմիտե այցելության մասին

11 հուլիսի, 2023

Ս․թ․ հուլիսի 11-ին կայացել է Ղազախստանում Հայաստանի դեսպան Արմեն Ղևոնդյանի հանդիպումը Ղազախստանի Օդատիեզերական կոմիտեի նախագահ Բաուբեկ Օրալմագամբետովի հետ։

Հանդիպմանը դիտարկվել են տիեզերական գործունեության ոլորտում համագործակցության առկա իրավիճակն ու վերջինիս ակտիվացման հեռանկարներն, այդ թվում՝ Երկրի հեռահար զոնդավորման տվյալների օգտագործման և արբանյակային կապի ոլորտներում։

Տնտեսական համագործակցության հայ-ղազախստանյան միջկառավարական հանձնաժողովի 9-րդ նիստի որոշումների իրագործման համատեքստում քննարկվել են Հայաստանի և Ղազախստանի գիտահետազոտական հաստատությունների միջև գործնական փոխգործակցության հարցեր։

Ղազախստանի Հանրապետության Թվային զարգացման, նորարարությունների և օդատիեզերական արդյունաբերության նախարարության Օդատիեզերական կոմիտեն պատասխանատու է Ղազախստանի տիեզերական ոլորտի զարգացման համար, այդ թվում՝ տիեզերքում արբանյակների խմբավորման, ինչպես նաև համակարգում է արբանյակների կառուցմամբ և Բայկոնուրում հեռանկարային նախագծերի իրականացման ոլորտում գործող ձեռնարկությունների գործունեությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր