Հանդիպում Ղազախստանի պաշտպանության նախարարի հետ

12 հուլիսի, 2023

Ս․թ․ հուլիսի 11-ին կայացել է Ղազախստանում Հայաստանի դեսպան Արմեն Ղևոնդյանի հանդիպումը Ղազախստանի Հանրապետության պաշտպանության նախարար, գեներալ-գնդապետ Ռուսլան Ժակսիլիկովի հետ։

Հանդիպմանը քննարկվել է երկու պետությունների պաշտպանական գերատեսչությունների միջև փոխգործակցության վիճակն ու հեռանկարներն, այդ թվում՝ ռազմական կրթության բնագավառում, ինչպես նաև երկկողմ ռազմատեխնիկական համագործակցության ոլորտում։

Դեսպան Ա․Ղևոնդյանի կողմից մանրամասն ներկայացվել է Լեռնային Ղարաբաղի ժողովրդի իրավունքների և անվտանգության մասով իրավիճակն, որն էլ ավելի է վատթարանում Ադրբեջանի կողմից Լաչինի միջանցքի շրջափակման հետևանքով, ինչպես նաև այն արտաքին սպառնալիքներն ու մարտահրավերներն, որոնց առերեսվում է Հայաստանը։

Հանդիպումը, որին ներկա էր նաև Ղազախստանում Հայաստանի ռազմական կցորդ, գնդապետ Գ․Տոնաբեկյանը, անցել է փոխըմբռնման մթնոլորտում և վերահաստատել է պաշտպանության ոլորտում փոխգործակցության հետագա ամրապնդմանը միտված փոխադարձ տրամադրվածությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր