Հայաստանի դեսպանը հանդիպել է Ղազախստանի ԱԻ նախարարին

03 օգոստոսի, 2023

Ս․թ․ օգոստոսի 2-ին կայացել է Ղազախստանում Հայաստանի դեսպան Արմեն Ղևոնդյանի հանդիպումը Ղազախստանի Հանրապետության արտակարգ իրավիճակների նախարար Սիրիմ Շարիպխանովի հետ։

Հանդիպմանը քննարկվել են արտակարգ իրավիճակներում մարդկանց պաշտպանության գործում, այդ թվում՝ փրկարարների որակավորման բարձրացման ոլորտում հայ-ղազախստանյան համագործակցությանն առնչվող հարցեր։

Պայմանավորվածություն է ձեռք բերվել մշտական հիմքով շփումների պահպանման մասով՝ ի շահ քաղաքացիական պաշտպանության պետական համակարգի զարգացման, բնածին և տեխնոգեն բնույթի արտակարգ իրավիճակների կանխազգուշացման և վերացման կազմակերպման ոլորտներում երկկողմ համագործակցության առավել պահանջված ուղղությունների հստակեցման և առաջմղման։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր