Հանդիպում Ղրղզստանի տրանսպորտի և կոմունիկացիաների նախարարի հետ

11 սեպտեմբերի, 2023

Ս․թ․ սեպտեմբերի 11-ին Բիշքեկում գտնվող Ղրղզական Հանրապետությունում Հայաստանի Հանրապետության արտակարգ և լիազոր դեսպան Արմեն Ղևոնդյանը (նստավայրը՝ Աստանա) հանդիպում է ունեցել Ղրղզական Հանրապետության տրանսպորտի և կոմունիկացիաների նախարար Տիլեկ Տեկեբաևի հետ։

Հանդիպմանը քննարկվել են տրանսպորտի ոլորտում հայ-ղրղզական փոխգործակցության առկա վիճակն ու զարգացման հեռանկարները: Երկուստեք արձանագրվել է, որ Հայաստանի ու Ղրղզստանի միջև առկա տրանսպորտային-լոգիստիկ կապուղիների բազմազանությանը միտված ջանքերը հնարավորություն կընձռեն ինչպես ավելացնել երկկողմ ապրանքաշրջանառության ծավալն, այնպես էլ բարձրացնել երկրների տարանցիկ ներուժը:

Դեսպան Ա.Ղևոնդյանի կողմից ներկայացվել է պաշտոնական Երևանի դիրքորոշումը՝ տարածաշրջանում բոլոր տնտեսական և տրանսպորտային կապերի ապաշրջափակման հարցում, ընդգծելով, որ հաղորդակցության բոլոր ուղիները պետք է գործեն երկրների ինքնիշխանության և ազգային իրավազորության հիման վրա և հավասարության ու փոխադարձության սկզբունքների սկզբունքների համաձայն: Նախարար Տ.Տեկեբաևը ծանոթացրել է առկա կապուղիների դիվերսիֆիկացման և նորերի կառուցման մասով Ղրղզստանի կառավարության ծրագրերին, որոնց իրականացումը կընդլայնի փոխկապակցվածության հնարավորությունն ինչպես Կենտրոնական Ասիայի, այնպես էլ ավելի լայն տարածաշրջանում:

Հանդիպման արդյունքներով վերահաստատվել է սերտ փոխգործակցության պատրաստակամությունն՝ ի նպաստ տնտեսական փոխգործակցության տեսանկյունից պահանջված հեռանկարային երթուղիների նախանշմանն և համապատասխան նախագծերի իրականացմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր