Հանդիպում Ղրղզստանի էներգետիկայի նախարարի հետ

14 սեպտեմբերի, 2023

Ս․թ․ սեպտեմբերի 12-ին Ղրղզական Հանրապետությունում (նստավայրը՝ Աստանա) Հայաստանի Հանրապետության արտակարգ և լիազոր դեսպան Արմեն Ղևոնդյանը հանդիպել է Ղրղզական Հանրապետության էներգետիկայի նախարար Տաալայբեկ Իբրաևի հետ։

Հանդիպման ընթացքում քննարկվել են Հայաստանի և Ղրղզստանի միջև էներգետիկայի տիրույթում համագործակցության առկա վիճակն ու վերջինիս զարգացման հեռանկարային ուղղությունները՝ վերականգնվող էներգիայի աղբյուրների ոլորտում փոխգործակցության շեշտադրմամբ:

Հանդիպման արդյունքներով վերահաստատվել է ի շահ տնտեսական համագործակցության հայ-ղրղզական միջկառավարական հանձնաժողովների համապատասխան որոշումների իրագործման, այդ թվում` երկրներում գործող ոլորտային տնտեսվարող սուբյեկտների ներգրավմամբ փոխընդունելի նախագծերի վերհանման ուղղությամբ սերտ երկխոսությունը շարունակելու պատրաստակամությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր