Դեսպան Ղևոնդյանի այցելությունը Ղազախստանի ազգային պաշտպանության համալսարան

25 սեպտեմբերի, 2023

Ս․թ․ սեպտեմբերի 25-ին Ղազախստանում Հայաստանի դեսպան Արմեն Ղևոնդյանը այցելել է Ղազախստանի ազգային պաշտպանության համալսարան։

Համալսարանի պետի պ/կ գեներալ-մայոր Ասկար Մուստաբեկովը Հայաստանի դեսպանին ներկայացրել է համալսարանի կողմից իրականացվող ուսումնական նախագծերն ու որակավորման բարձրացման ծրագրերն, ինչպես նաև տեղեկացրել է ռազմական կրթության ոլորտում առաջատար փորձի փոխանակմանն ու փոխգործակցությանը միտված միջազգային համագործակցության մասին։

«Զինված Ուժերի Գլխավոր Շտաբի Ակադեմիա» ֆակուլտետի ունկնդիրների հետ կայացած հանդիպմանը, որին մասնակցում էր պրոֆեսորադասախոսական անձնակազմը ևս, դեսպան Ա․Ղևոնդյանի կողմից ներկայացվել է հայ-ղազախստանյան հարաբերություններն ու վերջիններիս զարգացման հեռանկարի տեսլականը։ Հարավային Կովկասում անվտանգության և կայունության հարցերի համատեքստում առանձնահատուկ շեշտադրում է արվել Ադրբեջանի կողմից Լեռնային Ղարաբաղի ժողովրդի նկատմամբ սանձազերծված հերթական լայնածավալ ագրեսիայի հետևանքով ծագած իրադրությանը՝ կարևվորելով Լեռնային Ղարաբաղի ժողովրդի նկատմամբ էթնիկ զտումների և զանգվածային ոճրագործությունների, ինչպես նաև Հայաստանի Հանրապետության ինքնիշխան տարածքի դեմ ռազմական ագրեսիայի նոր փորձերի կանխարգելմանն ուղղված գործնական քայլերի պահանջվածությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր