Աստանայում կայացած հանդիպումների վերաբերյալ

23 նոյեմբերի, 2023

Աստանայում աշխատանքային այցով գտնվող Հայաստանի Հանրապետության Ազգային ժողովի «Հայաստան-Ղազախստան» Բարեկամության խմբի ղեկավար Վաղարշակ Հակոբյանի գլխավորած պատվիրակությունը ս․թ․ նոյեմբերի 21-ին այցելել է միջդավանական և միջքաղաքակրթական երկխոսության զարգացման կենտրոն։

Հանդիպման ընթացքում կենտրոնի նախագահ, դեսպան Բ․Սարսենբաևը ներկայացրել է Ղազախստանում հանդուրժողական հասարակության և միջդավանական երկխոսության ձևավորման ուղղությամբ իրականացվող քաղաքականությունը։ Առանձնակի ուշադրություն է հատկացվել Ղազախստանի՝ Համաշխարհային և ավանդական կրոնների առաջնորդների համագումար նախաձեռնությանը, ինչպես նաև մինչ 2033 թվականը համագումարի զարգացման մասով ընդունված հայեցակարգին, որը միտված է «ՄԱԿ կառույցների և այլ հեղինակային միջազգային կազմակերպությունների հետ համագումարի գործընկերների շրջանակի և գործունեության աշխարհագրության ընդլայնմանն՝ ի նպաստ համագործակցության խորացմանը»։

Նույն օրը կայացել է Բարեկամության խմբի անդամների՝ Ղազախստանի ժողովուրդի համաժողովի /ՂԺՀ/ քարտուղարության ղեկավարի տեղակալ Լ․Պրոկոպենկայի հետ հանդիպումը, որին անդրադարձ է կատարվել մշակութային և հումանիտար ոլորտում երկկողմ հարաբերություններին առնչվող մի շարք հարցեր։ Ղազախստանի պատգամավորների և ՂԺՀ ակտիվի մասնակցությամբ կայացած հանդիպմանը փոխադարձ պատրաստակամություն են հայտնվել սերտ համագործակցության ծավալման հարցում՝ հօգուտ միջէթնիկ համաձայնության և քաղաքացիական խաղաղության հետագա ամրապնդման։

Ս․թ․ նոյեմբերի 22-ին ՀՀ ԱԺ պատվիրակությանը այցելել է Ղազախստանի Հանրապետության Կենտրոնական ընտրական հանձնաժողով։ Ղազախստանի ԿԸՀ նախագահ Ն․Աբդիրովի հետ կայացած հանդիպմանը քննարկվել են երկու պետությունների ընտրական մարմինների միջև համագործակցության հեռանկարները՝ վերջինիս իրավական ամրագրման հնարավորության շեշտադրմամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր